गौतम बुद्ध यांचे विचार व सुविचार

गौतम बुद्ध सुविचार मराठी भाषेत एक व एकापेक्षा अधिक वाक्यात अशा विभागात. अपेक्षा आहे तुम्हाला हा संग्रह नक्कीच आवडेल.

  • जीवनात हजारो लढाया जिंकण्यापेक्षा स्वतःवर विजय प्राप्त करा. मग विजय नेहमी तुमचाच होईल, मग हा विजय तुमच्याकडून कोणीही हिरावून घेऊ शकत नाही.
  • वाईटानं वाईटावर कधीही मात करता येत नाही. तिरस्काराला केवळ प्रेमानं संपवलं जाऊ शकते.
  • भविष्यातील स्वप्नांमध्ये हरवू नका, भूतकाळात गुंतू नका, फक्त वर्तमान काळावर लक्ष्य केंद्रीत करा. जीवनात आनंदी राहण्याचा हा एकमेव योग्य मार्ग आहे.
  • ज्याप्रमाणे एका दिव्याच्या माध्यमातून हजारो दिवे प्रज्वलित करता येतात, तरीही त्या दिव्याचा प्रकाश कमी होत नाही. त्याचप्रमाणे आनंद वाटल्यानं तो नेहमी वाढतो, कधीही कमी होत नाही.
  • जीवनात तुम्ही कितीही चांगल्या पुस्तकांचं वाचन करा, कितीही चांगले शब्द ऐका. मात्र जोपर्यंत हे सर्व काही तुम्ही आचरणात आणत नाही तोपर्यंत त्याचा काहीही उपयोग होत नाही. – (सचित्रासाठी येथे क्लिक करा)
  • नेहमी रागात राहणं, म्हणजे जळलेल्या कोळशाला दुसऱ्या व्यक्तीवर फेकण्याच्या इच्छेनं पकडून ठेवण्यासमान आहे. हा राग सर्वात आधी तुम्हालाच भस्मसात करतो.
  • रडू नकोस, रडायला वेळ तरी कुठे आहे? स्वत:च्या अंतरंगात दीप चेतव. त्या दीपाच्या प्रकाशात निर्वाणपद प्राप्त करण्याचा मार्ग शोध.
  • माणुसकीचे दुसरे नाव प्रेम आहे. प्राणीमात्रावर हृदयपूर्वक प्रेम करणे हीच खरी मानवता आहे.
  • जो मनुष्य मनात उफाळलेल्या क्रोधाला वेगवान रथाला रोवल्याप्रमाणे त्वरित आवर घालतो, त्यालाच मी खरा सारथी समजतो. क्रोधभ्रष्ट होऊन त्याप्रमाणे चालणारा केवळ लगाम हातात ठेवणाराच समजला जातो.
  • शरीरधर्म सगळ्यांना सारखेच आहेत. त्यामुळे वर्णश्रेष्ठत्व मूर्खपणाचे आहे. माणसे सगळी सारखीच आहेत.
  • द्वेषाने द्वेष कधीच संपत नाही. हा केवळ प्रेमाद्वारे संपुष्टात आणला जाऊ शकतो. हे एक नैसर्गिक सत्य आहे.
  • शंका किंवा संशयाच्या सवयीपेक्षा गंभीर काहीच नाही. कारण संशय नात्यामध्ये दुरावा निर्माण करून सर्वकाही नष्ट करतो.
  • लक्ष्यापर्यंत पोहचण्यापेक्षा प्रवास चांगल्या पद्धतीने पूर्ण करणे महत्त्वाचे आहे. हजारो शब्दांपेक्षा एकच शब्द महत्त्वाचा असतो, जो शांती घेऊन येतो.
सचित्र गौतम बुद्ध सुविचार मराठी
संशय नात्यामध्ये दुरावा निर्माण करून सर्वकाही नष्ट करतो.

एका वाक्यात गौतम बुद्ध सुविचार मराठी – भाग १

  • आरोग्य ही एक मोठी भेटवस्तू आहे, समाधान मोठी संपत्ती आहे, विश्वास सर्वात उत्तम संबंध आहे.
  • कोणत्याही परिस्थितीत तीन गोष्टी लपून राहू शकत नाही, सूर्य, चंद्र आणि सत्य.
  • सत्याच्या मार्गावर चालणाऱ्या व्यक्ती केवळ दोन चुका करू शकतात, पहिली चूक म्हणजे संपूर्ण मार्ग न निवडणे आणि दुसरी म्हणजे सुरुवातच न करणे.
  • रागामध्ये हजारो चुकीच्या शब्दांचा वापर करण्यापेक्षा, मौन या एका गोष्टीमुळे जीवनात शांती निर्माण होते.
  • जे स्वत: बलवान असूनही दुर्बलांचे अपराध सहन करतात, त्यांनाच क्षमाक्षील म्हणतात.
  • पृथ्वीवरील घनदाट वृक्षांच्या छायेपेक्षा विवेकरुपी वृक्षांची छाया अधिक शीतल असते.
  • पाप अपरीपक्व असेपर्यंत गोड लागते; परंतु ते पक्व होऊ लागले की खूप दु:खकारक असते.
  • आपल्या संचित पापाचा परिणाम म्हणजे दु:ख होय.
  • भयाने व्याप्त असणाऱ्या या विश्वात दयाशील वृत्तीचा मनुष्यच निर्भयपणाने राहू शकतो.
  • आळस हा मनुष्याचा सर्वात मोठा शत्रू आहे.
  • पशूंना बळी देणे ही अंधश्रद्धा आहे.

सचित्र गौतम बुद्ध सुविचार मराठी

एका वाक्यात गौतम बुद्ध सुविचार मराठी – भाग २

  • दुसऱ्याच्या दु:खात भागीदार व्हावयास शिकणे हेच खरे शिक्षण आहे.
  • जग अनित्य असून सतत बदलत आहे.
  • जो स्वत:च्या आणि इतरांच्या कल्याणासाठी झटतो तो सर्वात उत्तम पुरुष समजावा.
  • विश्वाचा आदी आणि अंत यांच्या चर्चेच्या भानगडीत पडू नका.
  • वैर प्रेमाने जिंकावे.
  • तुम्हाला तुमच्या क्रोधासाठी शिक्षा मिळत नाही याउलट तुम्हाला तुमच्या क्रोधापासूनच शिक्षा मिळते.
  • चिडलेल्या विचारातून जो मुक्त राहतो त्याला नक्कीच शांतता प्राप्त होते.
  • सत्याचे दान हे इतर सर्व वस्तुंपेक्षा वरचढ असते.
  • दुसऱ्यांचे दोष लगेच दिसतात पण जसा एखादा लबाड पारधी स्वत:ला लपवितो त्याप्रमाणे एखादा स्वत:चेच दोष स्वत: लपवितो.
  • कोणी कोणाच्या धर्माचा हेवा करून द्वेष करू नये.
  • देव आणि भक्त यामध्ये माध्यस्थाची गरज नाही.
  • जीभ एक तीक्ष्ण हत्यारासारखी आहे रक्त वाहिल्याशिवाय प्राण घेते.
  • आपण तेच बनतो ज्याचा आपण विचार करतो.

सचित्र गौतम बुद्ध सुविचार मराठी

निवेदन: वरील सुविचारांपैकी तुम्हास हव्या असलेल्या व पोस्टमध्ये उपलब्ध नसलेल्या सचित्र सुविचाराच्या लिंकबद्दल कमेंट करा आम्ही लवकरच लिंक उपलब्ध करून  देण्याचा प्रयत्न करू.

अधिक वाचा: अब्राहम लिंकन यांचे विचार व सुविचार येथे नक्कीच वाचा.

Leave a Reply